गणपती आरती आणि गणेश आरतीचे बोल (Lyrics) - जय अंबे गौरी, गणपती बाप्पा, मराठी आरती

गणपतीची आरती (Ganpati Aarti)

Click Here to Read Aarti in English.

सुखकर्ता दुःखहर्ता वार्ता विघ्नाची।
नुरवी पुरवी प्रेम कृपा जयाची।
सर्वांगी सुंदर उटि शेंदुराची।
कंठीं झळके माळ मुक्ताफळांची ।
जयदेव जयदेव जय मंगलमूर्ती ।
दर्शनमात्रे मनः कामना पुरती ॥ ध्रु. ।।

रत्नखचित फरा तुज गौरीकुमरा।
चंदनाची उटी कुंकुमकेशरा।
हिरेजडित मुगुट शोभतो बरा।
रुणझुणती नुपुरें चरणी घागरिया ॥ जय. ॥ २ ॥

लंबोदर पीतांबर फणिवरबंधना ।
सरळ सोंड वक्रतुंड त्रिनयना ।
दास रामाचा वाट पाहे सदना ।
संकटी पावावें, निर्वाणीं रक्षावें सुरवरवंदना ।
जयदेव जयदेव जय मंगलमूर्ती । दर्शन. ॥ ३ ॥
    

गणपतीची आरती वाचताना आरतीचे महत्व जाणून घेण्यासाठी येथे क्लिक करा.

श्री शंकराची आरती (Shri Shankara Aarti)

लवथवती विक्राळा ब्रह्मांडीं माळा ।
वीषें कंठी काळा त्रिनेत्रीं ज्वाळा ।
लावण्यसुंदर मस्तकीं बाळा ।
तेथुनियां जळ निर्मळ वाहे झुळझुळां ॥ १ ॥

जय देव जय देव जय श्रीशंकरा।
आरती ओंवाळू तुज कर्पूरगौरा ॥ ध्रु.॥

कर्पुरगौरा भोळा नयनीं विशाळा ।
अर्धांगीं पार्वती सुमनांच्या माळा।
विभुतीचें उधळण शितिकंठ नीळा।
ऐसा शंकर शोभे उमावेल्हाळा । जय देव० ॥ २ ॥

देवीं दैत्यीं सागरमंथन पैं केलें ।
त्यामाजीं अवचित हलाहल जें उठिलें ।
तें त्वां असुरपणें प्राशन केलें ।
'नीलकंठ' नाम प्रसिद्ध झालें || जय० || ३ ||

व्याघ्रांबर फणिवरधर सुंदर मदनारी।
पंचानन मनमोहन मुनिजनसुखकारी।
शतकोटीचें बीज वाचे उच्चारी।
रघुकुलतिलक रामदासाअंतरी ॥ जय देव० ॥ ४ ॥
    

श्री देवीची आरती (Shri Devi Aarti)

दुर्गे दुर्घट भारी तुजविण संसारीं।
अनाथनाथे अंबे करुणा विस्तारीं।
वारीं वारीं जन्म-मरणातें वारीं।
हारीं पडलों आतां संकट निवारीं ॥ १ ॥

जयदेवी जयदेवी जय महिषासुरमर्दिनी ।
सुरवर-ईश्वरवरदे तारकसंजिवनी || ध्रु. ।।

त्रिभुवनभुवनीं पाहतां तुजऐशी नाहीं।
चारी श्रमले परंतु न बोलवे कांहीं।
साही विवाद करितां पडिलें प्रवाही।
ते तूं भक्तालागी पावसि लवलाही || जय. ॥ २ ॥

प्रसन्नवदने प्रसन्न होसी निजदासां ।
क्लेशांपासुनि सोडविं तोडीं भवपाशां।
अंबे तुजवांचून कोण पुरवील आशा।
नरहरी तल्लिन झाला पदपंकजलेशा ॥ ३॥

जय देवी जय देवी जय महिषासुरमर्दिनी ।
सुरवर-ईश्वरवरदे तारक० ॥
    

विविध आरतींचे महत्व जाणून घेण्यासाठी अधिक वाचा.

श्री विठ्ठलाची आरती (Shri Vitthal Aarti)

युगे अठ्ठावीस विटेवरी उभा।
वामांगी रखुमाई दिसे दिव्य शोभा।
पुंडलिकाचे भेटी परब्रह्म आलें गा।
चरणीं वाहे भीमा उद्धरी जगा।।1।।

जय देव जय देव जय पांडुरंगा।।
रखुमाईवल्लभा राहोच्या वल्लभा पावें जिवलगा ।।धृ।।

तुळसींमाळा गळां कर ठेवुनि कटीं।
कांसे पीतांबर कस्तुरि लल्लाटीं।
देव सुरवर नित्य येती भेटी।
गरुड हनुमंत पुढें उभे राहती ।।जय।।2।।

धन्य वेणूनाद अनुक्षेत्रपाळा।
सुवर्णाचीं कमळें वनमाळा गळां।
राई रखुमाई राणीया सकळा।
ओंवाळिती राजा विठोबा सांवळा ।।जय।।3।।

ओंवाळूं आरत्या कुर्वड्या येती ।
चंद्रभागेमाजीं सोडुनियां देती।
दिंड्या एताका वैष्णव नाचती।
पंढरीचा महिमा वर्णांवा किती ।।जय।।4।।

आषाढी कार्तिकी भक्तजन येती।
चंद्रभागेमध्यें स्नानें जें करिती।
दर्शनहेळामात्रें तयां होय मुक्ती।
केशवासी नामदेव भावे ओंवाळिती।।

जय देव जय देव जय. ।।5।।
    

श्री मारुतीची आरती (Shri Maruti Aarti)

सत्राणें उड्डाणें हुंकार वदनीं ।
करी डळमळ भूमंडळ सिंधूजळ गगनीं ॥
कडाडिलें ब्रह्मांड धाक त्रिभुवनिं ।
सुरवर नर निशाचर त्यां झाल्या पळणी ॥१॥

जय देव जय देव जय श्रीहनुमंता ॥
तुमचेनी प्रसादें न भियें कृतांता ॥ ध्रु० ॥

दुमदुमलीं पाताळें उठिला प्रतिशब्द ।
थरथरला धरणीधर मानीला खेद |
कडकडिले पर्व उडुगण उच्छेद ।
रामीं रामदासा शक्तीचा शोध ॥ जय० ॥ २ ॥
    

घालीन लोटांगण (Ghalin Lotangan)

घालिन लोटांगण, वंदीन चरण डोळ्यांनी पाहिन रूप तुझे ।।
प्रेमें आलिंगिन, आनंदें पूजिन।
भावें ओवाळिन म्हणे नामा ।।१।।

त्वमेव माता च पिता त्वमेव ।
त्वमेव बंधुश्च सखा त्वमेव ।
त्वमेव विद्या द्रविणं त्वमेव ।
त्वमेव सर्वं मम देवदेव ॥२॥

कायेन वाचा मनसेंद्रियैर्वा, बुद्धयात्मना वा प्रकृतिस्वभावात् ।
करोमि यद्यत् सकलं परस्मै, नारायणेति समर्पयामि ॥३॥

अच्युतं केशवं रामनारायणं कृष्णदामोदरं वासुदेवं हरि।
श्रीधरं माधवं गोपिकाल्लभं, जानकीनायकं रामचंद्रं भजे ।।४।।
    

आरतींचे सखोल अर्थ आणि त्यांचा महत्त्व जाणून घेण्यासाठी येथे भेट द्या.